غادة عادل تكشف تجربتها مع التجميل.. ونصيحة من فنانة شهيرة
متابعة بتجــرد: في أجواء من التقدير والتكريم، شاركت النجمة غادة عادل في ندوة خاصة أقيمت على هامش مهرجان الغرقة لسينما الشباب، حيث تحدّثت بصراحة عن تجربتها مع عمليات التجميل، كما استرجعت أبرز محطات مشوارها الفني وأهم النصائح التي أثرت في مسيرتها.
غادة عادل عن التجميل والانتقادات
أكدت غادة عادل أنها لم تعد تكترث لانتقادات الجمهور بعد إعلانها خضوعها لعملية تجميل، موضحة: “عملت تجميل وظبطت الحاجات اللي مضايقاني وبقيت مبسوطة، ودايمًا بشوف إن الواحد يعمل الحاجة اللي تسعده، ومحدش يستخسر في نفسه حاجة تخليه مبسوط”. وأضافت: “زمان كنت بقعد أعيط وأقول مش عايزة أشتغل، لكن دلوقتي مبقتش أهتم، كبرنا على إننا نتضايق من الانتقادات”.
نصيحة ميرفت أمين
واستعادت غادة واحدة من أهم النصائح التي تلقتها في بداياتها، والتي جاءت من النجمة الكبيرة ميرفت أمين، قائلة: “ميرفت أمين قالت لي زمان إن الممثل ممكن يعيش حياته كلها، وييجي يعمل فيلم أو اتنين بس هما اللي يفضلوا علامة في تاريخه، ودي كلمة ما نسيتهاش”. وأكدت أن كل عمل فني شاركت فيه يمثل محطة مهمة في حياتها.
الصدفة في مشوارها الفني
وتحدثت غادة عن تعاونها مع المخرج الراحل محمد خان في فيلم “شقة مصر الجديدة”، مشيرة إلى أن الصدفة لعبت دورًا كبيرًا في حياتها الفنية: “الفيلم ده جالي بصدفة غريبة، ومحمد خان قالي وقتها إني كنت آخر اختيار ليه، لكن بعد عرض الفيلم قالي إني كنت أحسن اختياراته”. وأضافت: “حياتي كلها كانت عبارة عن صدف، وكل حاجة حصلت كانت بتوفيق من ربنا، دورنا الحقيقي هو إزاي نجتهد ونستغل الفرص اللي بتجيلنا ونرضى بقضاء ربنا”.
الفن كرسالة
واعتبرت غادة أن الفن تحول في نظرها إلى رسالة حقيقية بمرور الوقت: “لما بكون مكتئبة بلجأ للفن، سواء مسرحيات أو أفلام، زمان كنا بنشوف إن الهدف هو الشهرة، لكن لما كبرت فهمت إن الفن رسالة. وأولادي لما بيتفرجوا على أفلام بتناقش قضايا زي المخدرات، بيتعلموا منها وبيستفيدوا”.
