بمن إلتقت أصالة نصري، وماذا قالت عنه؟

أعلنت النجمة السورية أصالة نصري انّها إلتقت أثناء العمل على ألبومها بملحّن شاب، وشاركت جمهورها ببعض التفاصيل عنه وعن حياته، وعن مثابرته وعدم فقدانه الأمل والطموح الكبير، حيث كتبت عبر حسابها الخاص على موقع التواصل الإجتماعي تويتر: “مبارح كنت على موعد مع ملحن وموزع شب إسمه (مصطفى حلواني) ولأول مره بلتقيه وسمعت منه ماكنت أتمنى أن أغنيه من فتره طويله وبدي أحكيلكم عنه شوي، شباب كتير بيفكروا أنه حياتهم عباره عن تسالي وشلل وشوية شغل ليطلعوا مصروف السهرات وهالنوع من الشباب بيوصلوا لعمر بتخلص السهرات وبيقلوا الرفقه، لأنهم كانوا رفقة تسالي وبيروح مع هاد كله وقت الشغل وبيخف الطموح لأنه ماعرفوا يستثمروه ويكبروه فا مات الطموح”

وتابعت بالحديث عنه: “بيسبق الزمن وبيحقق حلمه وبيرجع يحلم حلم أكبر ،لازم كل الشباب يعرفوا أنه العمل هوه الصديق الأبقى ومن خلاله بنعرف الصحاب الحقيقيين، الله يهدي الجميع ويزرع بين الكل المحبه وسعة الصدر ويفرجها على كل محتاج وينصر بلادنا بدم أقل وعقل أكبر وأنا بعذر الجميع لأننا بحالة فوضى”