ريما الرحباني تنفي تصريحات شقيقها زياد وتصرّح: “الموضوع تركيبات زياديّة”

نفت ريما الرحباني، إبنة سيّدة الغناء اللبناني فيروز، تصريحات شقيقها زياد الرحباني حول موقف فيروز السياسي وبأنها من محبي السيد حسن نصر الله، وكتبت ريما على صفحتها على موقع التواصل الإجتماعي Facebook تصريح ننقله لكم كما جاء:

“الى أصدقائي الفيروزيين فقط لا غير: بعرف انو الحملة الإعلامية الأخيرة الناتجة عن تصريحات زياد عن فيروز ضايقتكن وتركت عندكن تساؤلات كتيرة. ما تنطروا رد من فيروز لأن متل ما كلكن بتعرفوا، فيروز إلتزمت الصمت عدم الرد من زمان ومهما كان، فكيف أذا كان الموضوع بيتعلق بزياد تحديداً. وأنا ما رح صرّح شي عن فيروز، ولا أي حدا أساساً مخوّلة يصرّح عن فيروز، وخاصة وأكيد مش ملحقة إعلامية سابقة فاتحة ع حسابا.. بس بأكدلكن من موقعي ومن هالبيت ومن دوري وحرصي وواجبي المحافظة على كل ما لها من إحترام لإسمها ومسيرتها ورسالتها وأعمالها وماضيها وحاضرها وأسلوبها بالتعاطي مع الأمور، انو هالموضوع كما أنو والمواضيع والتصريحات السابقة السياسية والغير سياسية اللي تناولت فيروز ما بيتعدى كونن تكهنات وتركيبات “زيادية” على حساب فيروز فقط لا غير. ما تزعلوا مصير هالحملة متل كل الحملات الي سبقوها بتعرفوا شو هوي… وحدها فيروز كانت وستبقى ذاتا حقيقة ثابتة والحقيقة مع الوقت وكل الوقت.. انشالله بينعاد عليكن بالخير والسلام وبكرا الحب جديد.. تضلوا بخير”.