منير بو عساف منتقداً جديد إليسا: “التغطرس والتكبُّر والإدعاء رح يقضوا عليها”

متابعة بتجـــــــــــــــــــــــــــــرد: منير بو عساف من الشعراء القلائل الذين يملكون قلماً حرّاً ليس لأحد الفضل في حبره المتدفق نجاحات لا تعدّ ولا تحصى على الساحة الغنائية اللبنانية والعربية.

منير بو عساف قليل الإطلالات يؤمن بأن الحضور الأقوى يكون بحضور الأعمال والنجاحات وهو ما لا يدركه من يسيطر على عقولهم هاجس الظهور والشهرة، بمعنى آخر منير بو عساف لا يتحدّث إلا وقت اللاّزم، ولا يصرّح إلاّ حين يصبح الصمت جريمة يرفض أن يكون شريكا فيها.

عتب كبير على النجمة اللبنانية إليسا كشفه منير بو عساف عقب طرح ألبومها الجديد “سهرنا يا ليل”، تحدّث “بتجرّد” كما أكّد في بداية منشوره وبعيداً عن تأثير نجوميتها أبدى رأيه بالعمل وقال:

“بتجرُّد وبموضوعية سمعت البوم النجمة الكبيرة تا شوف وين الإبداع والذوق بالإختيار والإحساس العالي ،جَربت جرِّد حالي من تأثير نجوميتها عا حِكمي حتى ما كون عم حِب الأغاني لأنو لازم يكونوا حلوين بمجرّد ما تكون هيي عم تغنّيهن ،فا لقيت إنو يللي عاملتو من ملل بالألحان والجرايد الكلامية بالأغاني ونوعية وشكل الأغاني يللي ما بيخدم أي فنان على المسرح، وايقاع غربي مبالغ باستعمالو ب أغلبية الأغاني ولَت وعجن ورتابِة، هودي كلُّن غَلبوا وأطاحوا بتأثير نجوميتها عليي وكانوا كفيلين يخلّوني إتأكد إنو في كتير فنانين بتصير معن النجاحات بالصدفة المطلقة ومش من ذوق رفيع واختيار بذكاء وحِنكة واحساس عالي، ضيعان الوقت والمال يللي عم ينهدر عا١٥ و١٦ اغنية ب البوم واحد مصيرُن النسيان حتى ما قول شي تاني”.

وختم منير بو عساف منشوره قائلا: “القَفلِة:التغطرس والتكبُّر والإدعاء وسياسة الرأي الأول والأخير لي وأنا اللي بفهم وبحِس ،بحِس رح يقضوا عليها فنياً
ملاحظة:يللي بدّو يهاجمني لأنو في عندو فنان إلٓه ومُنَزّه بالنسبة إلو ،ما ينسى إنو الفن ذوق ووجهة نظر،أي رأي منافي للأحترام والأخلاق يتحَمّل صاحِبُه تَبعاتِه ،من حق الرَد أولاً،والبلوك ثانياً،أو التجاهُل المطلق لأنو ما الي جلد ناقش أغبياء
مع إحترامي”.