تامر حسني يوضّح

متابعة بتجــــــــــــــــــــرد: وضّح النجم المصري تامر حسني بعض التفاصيل الخاصة بقواعد برنامج The Voice Kids الذي يشارك في لجنة التحكيم الخاصة به وتعرضه شاشة كل العرب MBC.

وفي التفاصيل فقد جاء في التوضيح: “اسئله كتير بسمعها بقالي فتره كنت متخيل ان كل متابعين البرنامج يعلم اجابتها بسبب ان البرنامج بيتعرض منذ سنوات وقواعده معروفه للجميع ولكن فوجئت بأن في ناس كتير مش مُلمّه بالقواعد فإسمحولي اشرح بعض النقاط الهامه اولاً .المدربين بيفضلوا بنفس الملابس فى مرحلة الصوت وبس عشان استخدام المونتاج بيعمل تناسب وتناغم في روح الحلقات من مواقف جاده ومؤثره ومواقف مرحه يعني الترتيب اللي بتشوفوه مش ده خالص ترتيب صعود المواهب على المسرح بمعنى ادق احنا سمعنا اصوات زي على ورفقه واختارناهم قبل ما نسمع صوت لؤي لكن اللي ظهر العكس وفي حالة اختيار لؤى لكان اتحرم بعده ٢٠ صوت من لحظة الصعود على المسرح لأن كل مدرب كان له صوت واحد فقط فقررنا الإنتظار لمنح فرصة الصعود على المسرح لباقي المواهب ولكن ده ترتيب المخرج لإظهار الحلقه بالشكل المتبع عليه عالمياً ثانياً . ساعات تحسوا اننا اخترنا مواهب قويه جداً وبعدها اختارنا مواهب مش على قدر المستوى ده عشان في بداية التصوير والترتيب الفعلى في اول الأيام وجدنا اصوات طفوليه جميله فتفاعلنا معها واخترناها على امل انهم اجمل الأصوات ولم نتوقع ضخامة المواهب الأخرى لأن بالفعل وبالتأكيد ستشاركوني نفس الرأي اننا جميعاً في حاله من المفاجأة ولم نتوقع كل هذه القدرات الفائقه من اطفالنا و ان لسه في اصوات اقوى بكثير سوف تظهر ولكن المونتاج يظهر الحلقات بترتيب آخر ف وانت بتتفرج تقول ازاي مختاروش ده واختاروا ده بخلاف ان بالفعل كل مدرب عنده خطه وسياسه في شغله ومدرسه خاصه بيختار منها يعني في اصوات فائقة الجمال اخترناها يستحسن مانخترش زيها وخصوصاً لو كانت نفس المدرسه الغنائيه ماتنسوش بقى حاجه مهمه انكوا شايفين المواهب وهي بتغني انما احنا لأ فا الحاله العاطفيه بتكتمل نفسياً عندكوا قبلنا ودي صعوبة الفكره علينا ونهاركم ابيض ان شاء الله”.

نفيد بالذكر أن برنامج The Voice Kids بموسمه الأوّل دخل مرحلة المواجهات بعد أسابيع عديدة لمرحلة “تجارب الأداء” إختار خلالها المدربون المواهب التي سيتبارون بها في فرقهم.