أحمد عز في أول تعليق له على حكم القضاء: برضه مش ولادي

متابعة بتجـــــرد: بعد صدور حكم إثبات نسب توأم الممثلة المصرية زينة للممثل المصري أحمد عزّ خرج الأخير عبر صفحاته الرسمية على مواقع التواصل الإجتماعي بأوّل تعليق له أكّد من خلاله مرّة جديدة أنه لم يتزوج من زينه لا رسمي ولا عرفي ولا شفهي ولا حتى لثانية واحدة مشدّداً أنه ليس والد التوأم.

أحمد عزّ في رسالته توجه من الجمهور ومحبّيه مؤكداً أنه سعيد بالإبتلاء الذي هو عليه اليوم بحسب وصفه وجاء في منشوره التالي:

رسالة من الفنان ‏احمد_عز‬
الخميس ١٤/١/٢٠١٦، الساعه ١:٣٠ظهراً

مساء الفل ياعيلتي واهلي،
كتير سألوا عليا امبارح وانا باطمنكوا انا الحمد لله كويس وزي الفل وراضي باللي ربنا كاتبهولي كله، انا كمان مش بس راضي انا سعيد “بالابتلاء” اللي انا فيه عشان واثق في ربنا وفي نصره ان عاجلا او اجلا!!! وان اللي انا فيه ده ماهو الا رفع درجات بإذن الله. طبعا انا لا اعلق علي احكام القضاء ومش هاطلع اعمل دوشه ولا اتكلم عشان انا سايب حقي علي ربنا العادل الحق. اللي بقولهولكوا دلوقتي هو نفسه اللي بقوله من اول يوم في القضيه وهافضل أقوله لآخر نفس في عمري.. وبأشهد الله علي كلامي ده بل وأقسم بالله العلي العظيم “اني ماتجوزتهاش ولا رسمي ولا عرفي ولا شفهي ولا ثانيه وان شاالله يكون معاها ١٠٠ حكم و١٠٠ شهاده ميلاد برضه مش ولادي”