بعد نجاحه.. صبا مبارك تكشف صعوبات مسلسل “بين السطور”

متابعة بتجـــرد: خلال لقائها في برنامج “كلمة أخيرة” الذي تقدّمه الإعلامية لميس الحديدي عبر شاشة ONE، كشفت الفنانة صبا مبارك عن كواليس مسلسل “بين السطور” والصعوبات التي واجهتها أثناء التصوير والأزمات التي مرت بها وأثّرت فيها.

وقالت صبا إن هناك أوجه شبه أو صفات مشتركة بينها وبين شخصية “هند سالم” التي قدّمتها في مسلسل “بين السطور”، لعل أهمها الإصرار على النجاح والنزاهة في العمل، وأضافت: “في الحاجات الحلوة اللي فيها بتلاقى معاها… أكيد بتشبهني في حاجات في حياتها في بعض النقاط “الباك غراوند” في بعض الحاجات بس مش بنفس القسوة”.

وواصلت صبا حديثها قائلةً: “إحنا كممثلين لازم تلاقي حتة نتواصل فيها مع “الكاركتر” اللي هنأديه، كان لازم أحب هند وأبقى حيادية في الحاجات الوحشة اللي فيها علشان أجسدها وأخلّي الناس تحس بيها لحم ودم”.

وعن الصعوبة في تجسيد شخصية “هند سالم” الممنوعة من التعبير عن مشاعرها، قالت صبا مبارك: “مش سهل خالص وجابلي إحباط كان في أيام بروّح زعلانة حاسة إن جسمي واجعني ورقبتي واجعاني وبجد عاوزة أعيط ومش عارفة وفضلت فترة بعدها مش عارفة أقول حاجة قعدت شهرين متنحة”.

لتؤكد أن الشخصية في النهاية تشبه قطعة قماش يتم تطريزها بكل تفاصيلها.

وعن سؤال حول إمكانية لجوئها في الواقع الى إجهاض جنين، كما فعلت “هند سالم”، ردّت صبا بحزم: “أعوذ بالله عمري ما أعملها، شيء صعب جداً اللي مش عاوز ينجب يعمل احتياطاته من الأول، وهناك بعض الاستثناءات فيه ناس تانية ممكن تعمل كده علشان حالة الجنين الصحية أو صحة الأم”.

وأضافت: “شيء قاسي إن الإنسان يأخد القرار ده وأنا مش مع الناس اللي تفضل تخلّف، والأمومة والأبوّة شيء صعب وما ينفعش في الزمن ده إن أي حد مش قادر على تكوين أسرة يخلّف”.

وكشفت صبا مبارك الكثير من تفاصيل حياتها الشخصية، قائلةً إن مستقبل ابنها هو الأهم بالنسبة إليها… وأضافت: “معنديش مشكلة أقعد في البيت، سنتين، ثلاثة، ومشتغلش واشتغل، أولوياتي سهلة جداً، عندي عائلتي ومستقبل ابني هو الأهم… أحب أنجح لكن مش بكمية الحاجات اللي بعملها عشان كده بكون قاسية على نفسي وأنا بختار الحاجات اللي بعملها، لو أنا مركزة في شغلي بس أكيد كنت هكون في مكان أفضل… أنا جيت مصر كنت بطلة أعمالي وأنا بقيت بطلة وعندي 18 سنة ومسلسلاتي بتتعرض في أهم محطات الوطن العربي، جيت مصر، تعثرت مسيرتي وبقيت مقسومة ما بين الأردن ومصر وهي أثرت على سرعتي في المهنة وده خلاّني اضطر ارجع من الأول هنا”.