نجمة “ستار أكاديمي” زيزي عادل تصدم الجمهور: “كاميرات في مرايا الحمامات”

متابعة بتجــرد: فجّرت نجمة الموسم الثاني من “ستار أكاديمي” زيزي عادل مفاجأة من العيار الثقيل، كاشفةً أن مرايا الحمامات كانت مزّودة بكاميرات تصوير. 

وقالت خلال حلولها ضيفة برنامج “كلام الناس”: “لو رجع بيا الزمن أكيد مكنتش هروح برنامج ستار أكاديمي، بعد تغير طريقة تفكيري وتقربي من ربنا وكل اللي بيحصلي ده يخليني أقول إن كان فيه حاجات كتير مكنش المفروض أعملها”. 

وأضافت على شاشة “إم بي سي مصر”: “تجربتي في ستار أكاديمي كانت هي بداية النجاح والانطلاقة، عدت من البرنامج مشهورة مع إني مكنش عندي أغنية ولا أي حاجة، ولكن كنت مشهورة كأني نجمة بقالي 10 سنين بغني، ولقيت عروض من شركات إنتاج كبيرة، ولما رجعت مصر مصدقتش عدد الناس اللي كانوا جايين يستقبلوني، لأن أنا قعدت هناك 4 شهور مفيش تلفزيون ومكنتش عارفة أنا معروفة برا ولا لأ، ولا أعرف كان بيتكتب عني أخبار ولا لأ ولما رجعت في صدمة بتحصل كده إني مشهورة والدنيا بتختلف”. 

وتابعت بقولها لمضيفتها الإعلامية ياسمين عز: “فكرة برنامج ستار أكاديمي لا تناسب تقاليد المجتمع، كان فيه كاميرات في كل مكان، حتى الحمامات كان فيها كاميرات عند المرايات، والموضوع ده كان بيضايق”. 

يذكر أن زيزي عادل أعلنت اعتزالها الغناء نهائياً “تقرباً إلى الله” في شهر نيسان (أبريل) الماضي. وشاركت عادل في برنامج المواهب في عام 2004 حين حلّت في المركز الثالث، قبل تعاقدها مع “شركة روتانا للصوتيات والمرئيات”.