Bitajarod – Online Magazine Bitajarod – Online Magazine
متابعة بتجــرد: هاجم الفنان المصري أحمد فلوكس مواطنه الفنان محمد رمضان بحدة، عقب تصريحات الأخير حول رفضه القيام بدور “صبي رقاصة”، في إشارة إلى شخصية قدّمها الفنان فاروق فلوكس.
ودافع فلوكس الابن عن والده قائلاً: “شوف يا حماده، انت ترفض إنك تعمل دور صبي رقاصة لأنك دايماً نمبر وان، فأكيد هتبقي عينك على دور الرقاصة نفسها، مش الصبي بتاعها، وانت ما شاء الله ناجح في ده جداً وبتعمله سهل وانت عريان ما دريان”.
وأضاف: “نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان”.
وتابع: “أنا والدي عمل دور صبي رقاصة لأنه بيعشق التمثيل والأدوار الصعبة”.
واستكمل كلامه: “الحمد الله أنه ربى راجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضو بس عريان”.
وختم أحمد فلوكس: “بعدين مش شرط تعمل دور صبي رقاصة، ممكن تكون نجم كبير بس وأخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار”.
