زينة تنتصر على أحمد عز وتصفه بالشيطان – بالصورة

متابعة بتجــــــــــــــــرد: في خطوة مفاجئة منها نشرت الفنانة المصرية زينة عبر حسابها الرسمي على موقع “إنستجرام” الخاص بالصور والفيديوهات القصيرة صورة للفنان أحمد عز أثارت اندهاش الجمهور.

وعلقت زينة على الصورة التي أكدت أنها ستحذفها: “الحمد لله النهاردة كانت آخر قضية رافعها علينا الشيطان، والحمد لله مايقدرش الشيطان يرفع أي قضية تاني”.

وأضافت زينة: “الموضوع اتقفل نهائيا ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا، الشيطان ده قبل مايخسر كل القضايا خسر نفسه اللي مش موجودة أصلا وضميره المعدوم وحتى شكله اللي بقي استغفر الله العظيم”.

وتابعت زينة: “نصيحة ليكم اياكم والظلم اياكم والقسم بالكذب، كلمة أقسم بالله بالكذب بتهز السموات، بص يا شيطان كل القضايا اللي ينفع ترفعها خسرتها، كبيرك تتكلم في سمعة أم ولادك وإنت عارف بتقول كده، بس ياريت تثبت كدبة علشان بتنسي كدبك وكل يوم بقصة”.

وشكرت زينة المحامي معتز الذكر، قائلة: “تعب معايا وخلاص ارتاح من قلقي والصداع اللي عملتهوله، ومبروك يا أستاذ معتز على قدوم القمر زينة الصغيرة، وربنا يكرمك ويخلي زينة وعبدالله، كملت مسيرة الأستاذ الكبير محمد الدكر الله يرحمه يارب، شكرًا الأستاذ عاصم قنديل المحامي الكبير اللي بعتبره واحد من أهلي، أنا تعبتك اوي يا استاذ ربنا يخلي حضرتك”.

واختتمت زينة حديثها، قائلة: “أرجوكوا سامحوني على الصورة دي واعرفوا إنها مخوفاني انا كمان والله للأمانة ماكان هو ده شكله، بس الظلم والقسم كدب بينزل غضب ربنا على أغلى حاجة عند الانسان، ودا أغلى حاجة عنده وشه، بعتذر على بشاعة المنظر، دي أحدث صورة للشيطان لقيتها في وشي معلش، وهاشيلها كمان شوية”.

وتجدر الإشارة إلى أن محكمة استئناف اﻷسرة المنعقدة بمجمع محاكم القاهرة الجديدة كانت يوم الأحد الموافق في 27 آب/أغسطس الحالي قضت برفض الطعن المقدم من الفنان أحمد عز، على الحكم الصادر من محكمة أسرة مدينة نصر، برفض بطلان حكم ثبوت نسب الطفلين “عز الدين” و”زين الدين” توأم الفنانة زينة له.