“مش بالواسطة”.. روجينا تكشف كواليس تعاونها مع ابنتها في مسلسلها الجديد
متابعة بتجــرد: كشفت الفنانة روجينا عن تفاصيل تعاونها الفني الأول مع ابنتها مايا أشرف زكي، التي تتولى إخراج مسلسلها الرمضاني المقبل، في خطوة وُصفت بأنها محطة مهمة في مشوار المخرجة الشابة التي اختارت الاعتماد على نفسها بعيدًا عن أي وساطة أو محاباة.
روجينا: “مايا تستحق هذه الفرصة”
في تصريحات صحافية على هامش مشاركتها في مهرجان الجونة السينمائي، عبّرت روجينا عن سعادتها الكبيرة بخطوة ابنتها، قائلة: “أكتر حاجة أسعدتني إن الناس كلها فرحانة لمايا، هي تستحق، وخطوتها اتأجلت كتير. كل المخرجين والممثلين اللي اشتغلوا معاها قالوا لها لازم تاخد الخطوة، لكنها كانت عايزة تخلص كل حاجة قبل ما تبدأ الإخراج.”
وأضافت أن مايا عملت مع مجموعة من كبار المخرجين واكتسبت خبرة من مدارس مختلفة، موضحة: “اشتغلت مع أبوها الروحي رامي إمام، ومع عادل إمام، ونادين خان، وأحمد الجندي، وسافرت لندن وعملت مشروعها الأول هناك بعد تخرجها من المعهد.”
تفاصيل ترشيح مايا لإخراج المسلسل
تروي روجينا كيف أقنعت ابنتها بتولي إخراج العمل قائلة: “مايا كانت بتصوّر فيلم، وقلت لها أبوس إيدك تعالي أعملي مسلسلي، قالت لي لأ مش عايزة أشتغل معاكي، أنا مشغولة، قلت لها علشان خاطري، لأني عارفة إنها لو كملت الفيلم مش هتخرجلي أبدًا. هي مبتحبش تشتغل معايا أو مع أبوها، عندها مبدأ واضح إنها تعتمد على نفسها.”
روجينا تردّ على اتهامات “الواسطة”
وردًا على ما يُتداول حول دخول ابنتها عالم الإخراج عن طريق الواسطة، قالت روجينا بلهجة حاسمة: “اللي يقول بالواسطة يقول… أهم نجوم دلوقتي على الشاشة أبناء فنانين زي كريم عبد العزيز، وأحمد السعدني، ومحمد عادل إمام، كلهم نجوم صف أول، لأنهم اتولدوا في هذه البيئة. ولاد الدكتور بيبقوا دكاترة، وولاد المهندس بيبقوا مهندسين. وأنا اتحايلت عليها كتير علشان توافق، وادعوا لنا.”
