حسام حبيب يوضح حقيقة عودته إلى شيرين ويكشف أسرار أزمتها
متابعة بتجــرد: ردّ الفنان حسام حبيب على الشائعات التي ترددت خلال الأيام الماضية حول عودته إلى طليقته الفنانة شيرين عبد الوهاب بغرض الحصول على المال منها، مؤكداً أن ما يُشاع لا يمتّ للحقيقة بصلة.
وخلال مداخلة هاتفية أجراها مع الإعلامية بسمة وهبة عبر بث مباشر على “إنستغرام”، قال حسام: “هو أنا مشتغلتش قبل كده؟ كنت عاطل ومش بشتغل قبل شيرين؟ أنا طول عمري من وقت ما اشتغلت مش باخد مليم من أهلي حتى في جوازتي. أنا بعت فيلتي وعربيتي وساعاتي عشان ماخدش مليم من أهلي ولا من شيرين. أنا كنت بصرف كده ولو مشتغلتش أنا مش محتاج لشيرين ومش محتاج لحد وربنا ما يحوجني لحد ولا حتى لأهلي”.
وأضاف موضحاً: “الناس معذورة، سمعوا كلام مش حقيقي في وقت من الأوقات. حتى شيرين ساعات بتقول حاجات في عصبيتها، هي عاملة زي الطفل في غضبها بتتنرفز وبعدها بتهدى”.
وفي تعليقه على وضع شيرين، قال حسام: “شيرين عبد الوهاب مفتقدة كل حاجة، الحنية والأهل والناس الكويسة، لأن الوحشين أكتر. أقسم بالله هي مظلومة بالناس اللي حواليها. في شر لو توصفه الناس مش هتصدق من كتر ما هو خارج عن الخيال. أنا مشفتوش لا في حكايات ولا في روايات ولا في الأديان ولا في التاريخ ولا في التخطيط بالشكل ده”.
واختتم قائلاً: “شيرين دايماً بتقولي إنها معندهاش غير كلمة واحدة (ليه). الأذى جايلها من أقرب الناس ومن كل حد أحسنت له عمل لها بلاوي، وكل حد أحسنت له بيطلع عليه كلام عشان يبعد عنها”.
