توفيق عبد الحميد يثير الجدل بعد اتهامه بالسرقة.. وما القصة؟
متابعة بتجــرد: أثار الفنان الكبير توفيق عبد الحميد تفاعلاً واسعاً عبر مواقع التواصل الاجتماعي بعد مناشدته للجهات المختصة التدخل في أزمة واجهته مع مرفق مياه المنتزه بمحافظة الإسكندرية، حيث فوجئ باتهامه بسرقة المياه من شقته المقفلة منذ سنوات.
وعبّر عبد الحميد عن استيائه من خلال منشور نشره على حسابه في “فيسبوك”، قال فيه: “السيد رئيس مرفق مياه المنتزه بعد التحية، حدث هذا في شقتي بمحافظة الإسكندرية. دفعت فواتير المياه لفترة طويلة رغم أنها كانت باهظة وغير منطقية وأنا كمان مكنتش بروح الشقة، لكن دفعتها وبعد شوية شالوا عداد المياه وبعد شوية عملوا ليا مخالفة إني استخدم المياه بشكل غير قانوني وحرروا ليا مخالفة بـ20 ألف جنيه”.
وأضاف موضحاً: “كل ده والشقة مقفولة لسنوات طويلة، وممكن تتأكدوا من هذا الأمر باستخدام عداد الكهرباء، لأني خاصمتها علشان كانت بتشوف البحر من كل حتة فيها وبعد كدة اختلف الأمر تماماً، وبقت كمان مجروحة وأنا كمان بقيت مريض فخاصمتها ومروحتهاش بقالي حوالي 15 سنة. ينفع كدة يا إسكندرية ويا رئيس مرفق مياه المنتزه أنا عايز العدّاد بتاعي اللي شلتوه ويبقى في الشقة”.
وتابع ساخراً: “دلوقتي لو روحت شقتي في إسكندرية بعد ما شالوا عدّاد المياه أبقى بسرق مية، يعني في سن الـ79 أما أسرق هسرق مية؟ طيب على رأي المثل إن سرقت اسرق جمل”.
وفي وقت لاحق، كشف الفنان المصري أن رئيس مرفق المياه تواصل معه شخصياً، ووعده بحلّ الأزمة وإنهاء الخلاف.
يُذكر أن توفيق عبد الحميد كان قد أعلن في أيلول/سبتمبر 2023 اعتزاله مجال التمثيل بسبب ظروفه الصحية.
