بعد تجربة مريرة.. هذه نصيحة خالد الصاوي لفقدان الوزن

متابعة بتجــرد: خلال لقائه في برنامج “كلام الناس” الذي تقدمه الإعلامية ياسمين عز على قناة MBC مصر، وجه الفنان خالد الصاوي نصيحة لجمهوره حول كيفية فقدان الوزن من دون أي أضرار وبعيداً عن عمليات التكميم والأدوية. وأوضح الصاوي أنه يخضع لحمية غذائية، وتمكن من خسارة 20 كيلوغرامًا من وزنه، مشددًا على الابتعاد عن الطرق السريعة لخسارة الوزن مثل “الحقن”.

قال الصاوي: “خسيت 20 كيلو وناقص 20 كمان، وعايز أحذر الناس أنا أخدت الحقن حصلي كارثة بعد 3 أو 4 شهور، حقنة منهم أدت إلى توقف الجهاز الهضمي وروحنا المستشفى وقعدت يومين، قلت لخبير التغذية واتفقنا إننا نرمي الحقن. يا جماعة خلوا بالكم، الحقن دي مقصود بيها أن تسد النفس، بتوهم الجسم أنه في حالة شبع وبتلعب في الجهاز الهضمي، خلوا بالكم من الحقن دي”.

وأضاف: “التجربة أثبتت أن كل اللي عايز يوصل لحاجة بأرخص مجهود دي سكة فاشلة. لازم تعمل دايت وهو هيخسسك شوية بشوية، ويكون في خبير تغذية بيتابعك، هتروح الجيم في حدود مسموح بيها. دا المجهود اللي لازم تعمله، الحاجات السريعة زي فتح البطن لأ، مش هعمل كده، مش معقولة مش هفتح بطني عشان مش عارف أقفل بوقي”.

وأكمل الصاوي: “أنا على ما أخدت بالي أن شكلي مش تمام، كان كل الناس بتقولي خس. لازم تبقى متواضع وتسمع للناس، بلاش المراية اللي بتطبطب عليك وتقولك أنت أحلى حاجة أو بتجلدك”.