شيرين تتحدث عن سحر أسود وبودرة من المقابر في منزلها.. ما كشفته صادم!

متابعة بتجــرد: أدلت النجمة شيرين عبد الوهاب بالكثير من التصريحات المثيرة والغريبة خاصة كلامها عن الأعمال والسحر وذلك خلال لقائها مع الإعلامي عمرو أديب والنجمة أصالة في برنامج “بيج تايم بودكاست” المذاع عبر قناة MBC، وكان أهم وأبرز تلك التصريحات:

• “لقيت صرة معلقة على باب البيت، وفتحتها لقيت فيها بودرة من المقابر ومفتاح غرفة نومي، وده عمل والمفتاح يقفل كل حاجة في حياتك”.

• “حبيبة قلبي ياسمين عبد العزيز كانت داخلة في غيبوبة وكانت هتموت، كان معمول لها سحر أسود، وأنا ألجأ للقرآن، سورة البقرة للشفاء، وسورة قاف للقرين”.

• “مؤمنة بأهمية التخلص من الطاقة السلبية في البيت وعندي في البيت دايما صُرة أرمي فيها ملح وعملات معدنية، في ثلاثة أركان والركن الرابع لأ، علشان نزيل الطاقة السلبية من البيت”

• أشعر أحيانا بالخوف بدون سبب، وبشغل سورة قاف، لإن ساعات يجيلي إحساس بالخوف والبكاء من غير سبب، وأقول الأوضة دي فيها ثعبان، دي بتبقى روح شريرة، وفي ناس ولاد حرام بيرموا حاجات في البيوت”.

• أنا جالي تليفون إنهم لقوا ثعبان في البيت في الكومباوند، ودع معناه إني مش داخلة التجمع كله مش البيت، وراجعة القاهرة مش عارفة أروح بيت مين من صحابي”.

• “الاختيار بيكون غلط لو في حياتك 40 شخص طلع منهم 25 وحشين، لكن كلهم أقرب وأبعد الناس طلعوا خونة، مفيش أصل ولا عشرة، وكل الناس لابسة أقنعة”.

• “في أوقات كنت أبص لربنا وأقول لو ما أحذتنيش أنا وبناتي هزعل منك”.

• “مش عايزة أسيب بناتي لحد يعذبهم ويستغلهم، بعد ما شوفت من أقرب الناس غل رهيب وغيرة، ومفيش حتى كلمة سلامتك”.