Bitajarod – Online Magazine Bitajarod – Online Magazine
لم تكن علاقة النجم تامر حسني بجمهوره ومحبّيه يوماً عاديّة فلطالما كان لهم الأخ الأكبر ومثال الأمل والطموح، بتواضعه، مثابرته وثقته بـ ربّ العالمين.
تامر حسني يعتبر من أقرب النجوم لمحبّيهم وقد ظهر ذلك في العديد من المواقف على مدار السنوات ومن دولة لأخرى. مؤخراً شغل تامر حسني روّاد مواقع التواصل الإجتماعي، فبعد أن علم أن إحدى معجباته مصابة بمرض السرطان من خلال status نشرته عبر حسابها الخاص على فيسبوك وكتبت فيه: يا رب لو الموت رحمة ليا ارحمني ولو كنت كاتبلي اعيش ارحمني من الألم والمرض وخفف عني يا رب، يا رب رحمتك! نشر لها ردّ عن طريق مكتبه الإعلامي وجاء فيه:
“يا سها أنا عايزك تجمدي ومتخافيش ولازم تكوني قوية جداً بإيمانك بالله وتقفي قصاد أي إبتلاء يكتبهولك ربنا بالصبر والصلاه والدعاء وأهم حاجة تقولي ن قلبك الحمدالله صدقيني كلمة الحمدالله من القلب وقت الإبتلاء مهمة جداً ولازم تعرفي إن ربنا سبحانه وتعالى بيحبك وممكن تكوني فإختبار فلازم تنجحي فيه وتجيبي اعلى درجة وكمان شايفة صحابك بيحبوكي وبيدعولك ازاي …. يلا أنا عايزك تكتبي بوست كله تفائل يس لازم يكون من قلبك عشان كل الناس تتعلم منك القوه والإيمان والتفائل معاكي الأحسن والأحن من كل اللي معاكي ربنا يعني ماتخافيش. تامر حسني”.
كلمة تامر حسني لم تكن مجرّد رسالة بل كان لها وقع خاص جداً أحدث تغييراً كبيراً في حياة سها التي باتت اليوم أقوى تواجه المرض بإيمان أكبر وبثقة الله وهو ما عبّرت عنه من خلال ردّها على ما نشره لها تامر فكتبت:
“أنا مش عارفة أبدأ كلامي ازاي ومنين بس أنا مهما اوصفلك انت ادتني امل وتفائل مش هتتخيل انت فرحتني جداً بالـ msg اللي بعتهالي دي وخلتني احمد ربنا واستغفره اني في لحظة كنت مضايقة من اللي ابتلاني بيه، انت بجد انسان مفيش فنان متواضع زيك كده ولا بيحس بالناس وتعبهم ربنا يديك على اد حب الناس ليك كفاية انك شغلت نفسك وادتني من وقتك لو دقيقة عشان تديني امل دي حاجة كبيرة اوي بالنسبالي وانت على راسي والله وانا يشرفني الف مرة اني اكون من جمهورك، احنا بنحبك وانت على راسنا مش من شوية ولا انت عالمي من شوية انت قدوتنا وتستاهل كل خير وتستاهل اكتر من كدة بكتير، واوعدك اني هستحمل اكتر من الأول وهكون صابورة اكتر واحمد ربنا دايماً على اي ابتلاء وانا راضية، ربنا يخليلك بناتك وبسمة ويحفظهملك يا رب”.
بتجرد، النجومية لا تكتمل بالحفلات والمبيعات والنجاحات وحسب، لا بل أساسها التواضع والإنسانية التي تحدث تغييراً إيجابياً في المجتمع والمحيطين بالفنان وهي حالة تامر حسني الإنسان قبل أن يكون فنان. من أسرة موقع بتجرد نوجّه تحيّة إحترام وتقدير للنجم تامر حسني ونتمنى الشفاء العاجل لـ سها آملين لها دوام السعادة والأمان.
