زينه دافعت عن أحمد عز، بررت موقفها وهذا ما قالته له

تعرضت النجمة المصرية زينة لانتقادات من جانب البعض لدفاعها عن والد طفليها الفنان أحمد عز، أثناء تواجدها في المحكمة الخميس الماضي في 5 مارس الجاري لمتابعة جلسات الدعوى التي أقامتها ضده لإثبات نسب توأمها له.

وبررت زينة دفاعها عن أحمد عز قائلة: “صباح الفل في ناس بتلومني إني اتكلمت كويس عن أبو ولادي! أكيد هاتكلم كويس عنه حتي لو مش علشانه علشان ولادنا، مش عاوزاهم في يوم يقولولي أني غلطت في أبوهم، وكفاية عليهم أوي اللي عمله فيهم أبوهم المحترم”.

ووجهت زينة رسالة لأحمد عز فكتبت: “ولادنا أهم حاجه يا محترم وبكره تندم علي كل اللي عملته في ولادك ووقفتك قدامهم ومحاربتك ليهم، يا أبو ولادي يا محترم. عز الدين أحمد عز، وزين الدين أحمد عز، وماتنساش ترفع قضيه عليا بالكلام ده، وأي أم هاتحارب الدنيا علشان ولادها معذور اللي مايعرفش يعني إيه أم”.

وكانت زينة دافعت عن أحمد عز أمام الخبير النفسي الاجتماعي الخاص بالقضية، حيث أكدت أنها تشهد له بالاحترام، وأنه لم يفعل شيئا مخلا بالآداب العامة، ولم يقع في الحرام، فهو تزوج منها عرفيا بوجود شهود، بحسب قولها.