Bitajarod – Online Magazine Bitajarod – Online Magazine
في مداخلة هاتفيّة لها عبر قناة الـ MTV ضمن نشرة أخبار الثامنة، أطلقت شمس الأغنية اللبنانية نجوى كرم موقف وطني أعلنت من خلاله تعليق كافّة حفلاتها في لبنان بسبب الجروح التي يتعرّض لها الوطن، وقالت إبنة الكرم في كلمتها حرفيّاً:
“مسا الخير، من وقت ما وعينا عا هالدني نحنا وعم نسمع، حدودك يا إسرائيل، من الفرات للنيل، مش صدفة يلّلي عم يصير بغزّة، بيتزامن مع يلّلي عم بيصير بالموصل والمنطقة وهلأ عنّا بعرسال. الهيئة في ناس عم يحتكروا الله، لـ يخدمو يلّلي ضد الله. بس بدي قلّن إنّو الله لكل الناس، مش لـ حدا وحده. صرنا ممر للمؤامرة، وصار الثمن غالي، وعم يندفع من دم ولادنا وأهلنا وأخوتنا والجيش هوّي ولادنا وأهلنا وأخوتنا، من كلّ الوطن، من كلّ الطوائف، من كلّ البيوت، وأنا من هالوطن ولكلّ الوطن وإيماني بالله بيدعيني إنّي كون حد أهلي وناسي وجيشي”.
وتابعت إبنة الكرم حديثها بعنفوان وقوّة: ما حدا يعلّمنا كيف منوصل لـ الله، وليكسّرنا إذا كنّا مش عَ ذوقه، نحنا مش عَ ذوق حدا، لبنان غير، هيدا لبنان اللي عمره ألاف سنين، عشرة أو عشرين أو تلاتين سنة من القهر ما بيذلّو، وجيشه فوق ترابه كاتب عَ بوابه: “ممنوع الدخول إلّا لأهل السلام” هيدا لبنان… وإعتباراً من الليلي، ما بيطلع صوتي عَ أرضه، وأرضه مجروحة… شكراً”.
هذا الموقف الذي أطلقته إبنة الوطن نجوى كرم، ليس جديداً عليها فهي لطالما عرفت بمواقفها ومبادئها الوطنية التي لا تتخلى عنها لو مهما كانت الظروف، من أسرة بتجرد وكل اللبنانيين تحيّة إحترام من القلب لشمس الأغنية اللبنانية نجوى كرم.
