فريدة سيف النصر تهاجم مسلسلات رمضان: “إحنا هنخيب ولا إيه؟”
متابعة بتجــرد: أثارت الفنانة فريدة سيف النصر جدلاً عبر مواقع التواصل الاجتماعي بعد منشور نشرته من خلال حسابها الخاص على منصة “فيسبوك”، وجّهت فيه انتقادات لبعض المشاهد الدرامية في عدد من المسلسلات المعروضة خلال موسم دراما رمضان الحالي، معتبرةً أن بعض الأفكار المطروحة فيها تتعارض مع طبيعة المجتمع المصري.
وتطرقت سيف النصر في منشورها إلى مسلسل “وننسى اللي كان” الذي تقوم ببطولته الفنانة ياسمين عبد العزيز، مشيرةً إلى وجود ما وصفته بأخطاء درامية تتعلق بطريقة تقديم بعض العلاقات ضمن أحداث العمل، كما أشارت أيضاً إلى مسلسل “كان يا مكان” الذي يشارك في بطولته الفنان ماجد الكدواني، مؤكدة أن صنّاع الدراما يتحملون مسؤولية كبيرة تجاه ما يُعرض على شاشة التلفزيون.
وقالت سيف النصر في منشورها: “لا حول ولا قوة إلا بالله… مش عايزة أتكلم بس ما قدرتش… يا جماعة ما ينفعش أجيب مثلاً أمن أو سوّاق مع بنتي يحافظ عليها وألاقي الأمن داخل غراميات مع اللي بيحرسها وبنتها عند أبوها وسوّاقها بيزعق لها وغيران”.
وأضافت: “يعني بتفهموا اللي بيشتغلوا يعملوا إيه بالظبط، آه كلنا ولاد تسعة بس كده غلط، إحنا بنفتح عينين على حاجات تودّي في داهية، نمشي الناس اللي جايبينهم ونجيب ستات ولا نهبّب؟ إيه ده كلام؟ والمفروض البنت تصارح أهلها وما تسمحلوش يكلّمها كده”.
وتابعت سيف النصر في منشورها قائلةً: “هو المفروض جاي يبلّغ أبوها بأي حاجة… إحنا هنخيب ولا إيه؟… طبعاً الكلام ده تمثيل في مسلسل أنا شخصياً بحبه وبحب نجمته جداً ومؤلفه وكلهم، بس برضه مش كده… إحنا مش أجانب وأنا كأم ولي حفيدتين ما ينفعش يلاقوا ده عادي علاقات وصداقة مع غارد أو سوّاق وغيره وحب وإيه الكلام الفاضي ده؟”.
واختتمت الفنانة المصرية منشورها بالقول: “اللي عندنا بيقلّدوا الوحش قبل الكويس… ربّنا يستر على ولادنا والله ونرجع نلوم على السوّاقين… ياريت ماحدّش يزعل من صراحتي… وأنا مش عنصرية لكن مش لازم ننسى إن في أصول… ملحوظة… كمان فكرة المساكنة عند الكدواني قوّمتني من على الكنبة قفزاً والله… هاكتبها لوحدها”.
