مصطفى كامل يردّ لأول مرة على أزمة التسريب الصوتي..”مؤامرة رخيصة”
متابعة بتجــرد: خرج الفنان مصطفى كامل، نقيب المهن الموسيقية، عن صمته لأول مرة ليدافع عن نفسه بعد الأزمة التي اندلعت بينه وبين الفنان حلمي عبد الباقي، وكيل أول النقابة، عقب انتشار تسجيل صوتي نُسب إليه يظهر فيه وهو يوجّه سباباً لعبد الباقي.
وأكد مصطفى كامل خلال مؤتمر صحافي عُقد في مقر النقابة أن التسجيل المتداول “غير حقيقي”، مشيراً إلى أن التسجيل الأصلي موجود معه ومع حلمي عبد الباقي منذ شهر أغسطس الماضي.
وقال كامل: “إن الله يدافع عن الذين آمنوا… وأنا في قعدتي كان كتاب الله مفتوح وأنا بتناقش مع رؤساء النقابات. الأزمة مبنية على مؤامرة رخيصة. كنت أظن أنها من الناس اللي برا اللي أساءت لموسيقيي مصر، ولكن فوجئت بصفحات من 3 شهور بتنال مني ومن زملائي الشغالين بجد وما بيناموش، في الوقت اللي فيه المقصّر وسيئ النية لا يُسبّ ولا يُنظر له… وده كان شيء غريب بالنسبة لينا.”
وأضاف: “سمّعت السادة إساءة على موبايلي بنفس صوت اللي يزعم إني بسبّه. والسبّ اللي عندي أفظع وأبشع… وبقالي 3 شهور بسأل اللي كان زميل وصديق: إيه هدفك من اللي بتعمله؟ عايز إيه وبتحلم بإيه؟”
مصطفى كامل: “لو كانت الحجة الشتايم فكلنا اتشتمنا”
وتابع كامل حديثه موضحاً أن الأزمة ليست مرتبطة بالسباب كما يُروَّج، قائلاً: “قبل ما آجي النقابة، الزميل ده عمل فيديو وحلف على كتاب الله أنه لم يعلم بأشياء… وأقسم بحق كتاب الله إن حد من أقرب أصدقائه قالي إنه كان عارف. والزملاء في المجلس السابق عارفين إن الواقعة اللي حصلت مكنتش صح. حاول بعض الزملاء يعملوا جلسة بينا، وقعدت معاه قدام كل الناس… وسألته: بتعمل كده علشان عايز كرسي النقيب؟ تعالى بس من غير ما تدمّر الكيان. لو الحجة الشتايم؟ كلنا اتشتمنا.”
“القعدة كانت من أجل الغش”
واختتم نقيب الموسيقيين كلامه قائلاً: “قاللي على التسريب ده من شهر 8 والموضوع اتقفل. وفجأة وإحنا بنحقق اكتشفت إن فيه ناس مش عايزة تحقق العدالة. أنت بتحقق مع حد في مخالفة… هي شِلَل؟ ولا بتحلفوا متسيبوش بعض؟ ولا الهدف هدم النقابة؟ ومن هنا جاء إحساسي الصادق إن القعدة اللي قعدناها سابقاً كانت من أجل الغش. ومن اللحظة دي رفضت صداقتي للشخص ده… وقلت حسبي الله ونعم الوكيل في كل خير قدمته له.”
