حسين فهمي يردّ على اتهامات تبديد المال العام.. كواليس “القاهرة السينمائي”

متابعة بتجــرد: عقد الفنان حسين فهمي، رئيس “مهرجان القاهرة السينمائي”، جلسة حوارية مع الصحافيين ومراسلي وسائل الإعلام، ردّ خلالها على الانتقادات التي وُجّهت له بشأن إقامته في أفخم الفنادق داخل مصر وخارجها، خلال مشاركته في المهرجانات السينمائية الدولية، إلى جانب اتهامه بتبديد المال العام.

حسين فهمي: “نمثل صورة مصر”

وقال فهمي: “أنا بركب أحسن طيارة وأحسن كرسي وأحسن عربية مش عشان أتمسخر، لكن عشان لما بيتشاور عليّا كفنان مصري أكون في المكانة اللي تليق بينا. لما حد من أي دولة يشوفني في الطيارة أو الفندق، لازم يشوف إن السينما المصرية واخدة احترامها”.

وأضاف: “الفنانة اللي بتلبس فستان أو حلق متقدرش تكرره تاني، لأننا بنمثل الشعب المصري. ممكن حد ميعرفش اسمي، بس يعرف إني مصري، وكل تصرف محسوب علينا. لذلك لازم نسكن في أفضل الفنادق ونظهر بشكل مشرف”.

إنفاق شخصي في السفر

وتابع رئيس “القاهرة السينمائي”: “أنا بسافر على حساب المهرجان اللي بروحه، لكن بزيد من جيبي أضعاف اللي هما بيدفعوه، علشان مايتقالش كلمة وحشة على مصر أو على المهرجان”.

رفض مليون دولار رعاية

كما كشف فهمي عن كواليس النسخة الجديدة من “مهرجان القاهرة السينمائي”، المقرر انعقاده من 12 إلى 21 نوفمبر المقبل، قائلاً: “جالنا عرض بمليون دولار لرعاية المهرجان، لكننا رفضناه، لأننا مهرجان دولة ومينفعش نقبل أي حاجة، وده موقف وطني”.

رأي حاسم في البلوغر والمؤثرين

وفي ما يتعلق بالمؤثرين عبر مواقع التواصل الاجتماعي، قال حسين فهمي: “هؤلاء الأشخاص بيُمنعوا من دخول مهرجانات عالمية زي “كان”، وبيترفضوا. وجودهم مقتصر على السوشيال ميديا، والقيمة بتاعتهم في اللي بيقدموه، وإحنا مبنجريش وراهم”.