آمال ماهر ترد على جدل لقب “صوت مصر” والألقاب الفنية
متابعة بتجــرد: في أول تعليق مباشر لها على الجدل المستمر حول الألقاب الفنية، تحدثت النجمة آمال ماهر عن لقب “صوت مصر” خلال لقائها في برنامج “أجمد 7″، مؤكدة أنها لا تميل إلى تصنيف نفسها أو السعي وراء الألقاب.
وقالت آمال بأسلوبها العفوي: “مش بحب الكلام في موضوع لقب (صوت مصر) أو أنا رقم واحد، أنا ممكن أكون رقم واحد عندك إنتي وممكن أكون ولا حاجة عند حد تاني… بأي حق أقول أنا رقم واحد وأنا معرفش صوت إيه؟”. وأضافت: “الناس هي اللي بتقيمك وتحطك في المكان اللي عايزة تحطك فيه، الجمهور هو اللي بيدي لقب للمطرب”.
وأوضحت آمال ماهر أن حب الناس وارتباطهم باسمها هو أكبر تكريم بالنسبة لها، قائلة: “أنا بحب اسمي جداً، إن الناس تحب اسمي وتكون عارفة مين آمال ماهر ده شرف كبير ليا”، مؤكدة أن الألقاب حين تأتي من الجمهور فهي تعبير صادق عن مكانة الفنان لديهم، وقالت: “دي مرايا بتعكس قد إيه هما بيحبوك… بس هما اللي يقولوا دا”.
وعن أقرب الألقاب إلى قلبها، كشفت آمال ماهر أنها لا تركز على الألقاب، لكن من بين ما قيل لها، يظل لقب “أميرة القلوب” الأقرب، قائلة: “بيُقال لي (أميرة القلوب)… وطالما الناس شايفة كده، هحتاج تاني إيه أكتر؟”.
يُذكر أن آمال ماهر تُعد من أبرز الأصوات الغنائية في مصر والعالم العربي، وتحظى بجمهور واسع يرى فيها حالة فنية مميزة قادرة على المزج بين الإحساس القوي والتقنيات الغنائية الرفيعة.
