عن الجن والإصابات.. إليكم أبرز تصريحات حورية فرغلي في برنامج “العرافة”

متابعة بتجــرد: حلّت الفنانة حورية فرغلي ضيفة على برنامج العرافة، الذي تقدمه الإعلامية بسمة وهبة، حيث تحدثت عن العديد من الأزمات التي واجهتها في حياتها ومنها رؤية الجن وتفاصيل إصابتها ومصدر الملايين التي كانت تملكها قبل دخولها الوسط الفني.

وفي السطور التالية نقدم لكم أبرز تصريحات حورية فرغلي في البرنامج:

– الفلوس الكتير اللي معايا من قبل دخولي مجال الفن من شغلي وتعبي ونجاحاتي، كنت البنت الوحيدة في الوطن العربي كله اللي دخلت منافسة خيل، وكانت بتجيلي جوايز كتيرة أحصنة وفلوس.

– مامي وبابي حاولوا كتير يساعدوني بس أنا كنت برفض وكنت بقول لأ، أنا عايزة أعمل فلوسي بنفسي، من قبل التمثيل وأنا مرتاحة وباخد جوايز وبطلة وطن عربي.

– اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب، في مرة كنت قاعدة في الشقة لقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده.

– خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي.

– بعت لريم طارق طليقة حسن شاكوش، على “فيسبوك” وقلت لها حرام عليكي لو أنتي عارفة مين اللي كان مع جوزك في العين السخنة ليه تجيبي اسمي، وليه كل الناس نسيت الأسماء اللي، في ثالث حرف راء، وقالت حورية وليه شاكوش، ينزلي قصيدة اعتذار ليا.

– سألت ريم إنتي عايزة إيه وإزاي تجرأتي وتجيبي اسمي أنا زعلت جدًا إن في ناس عرفت مين ومحدش قال إن مش أنا ولا حد دافع عني ارحموا حورية ولا قريب ولا غريب.