دينا بتصريحات صادمة عن الخيانة وعلاقتها بوالدها.. وما موقف ابنها من امتهانها الرقص؟

متابعة بتجــرد: حلّت الراقصة دينا ضيفةً في برنامج “على المسرح” الذي تقدّمه الإعلامية منى عبد الوهاب عبر عدد من القنوات الفضائية، حيث تحدثت خلال اللقاء عن تفاصيل حياتها الشخصية، وبداية دخولها مجال الرقص الشرقي، كما كشفت عن علاقتها بوالدها، وموقف ابنها من امتهانها الرقص، وتعرّضها للخيانة.

وفي السطور التالية أبرز تصريحات الراقصة دينا في “على المسرح”:

– “أنا محدّش عرف يحاسبني على حاجة ولا أنا بحاسب حد”.

– “أنا متغيرتش من وأنا صغيرة، ومعنديش لف ودوران، وطول عمري باخد قرارات”.

– “كنت بحب فريدة فهمي وبعشقها ونفسي أبقى زيّها، وكانت مصدر الطاقة في حياتي، ومن وأنا عندي 9 سنين خدت قرار أدخل فرقة رضا”.

– “زعل أبويا مني قوّاني وخلاّني أنجح وأبيّن له إني مخسرتش ولا حاجة”.

– “أي حد مش عاجبه حاجة أنا بعملها بسيبه وأمشي ومبهتمش، ولو حد قال هي رقصت متدخلش بيتي تمام، الرقص عندي أهم”.

– “عمري ما أذيت حد حتى لو دون قصد، واللي أذوني عمري ما أذيتهم”.

– “إخوات الأم أقرب من إخوات الأب، لأن الأم هي اللي ربّت”.

– “كل الرجّالة تربية واحدة ست، والأم هي اللي بتوصل أكتر من الأب”.

– “أنا أقرب واحدة لوالدي في التصرفات وبكل حاجة”.

– “بابا توفّى في المستشفى، ورقصت تاني يوم”.

– “بعد وفاة زوجي ودفنه، رجعت في نفس اليوم وعرضت مسرحية مع الفنان عادل إمام”.

– “الحزن مبيتقطعش في يوم ولا 40 ولا لحد النهاردة”.

– “أحلى أيام برقص فيها لما ببقى موجوعة”.

– “الرقص هو حياتي، وبقول الناس اللي مبترقصش بتعمل إيه؟”.

– “والدي قاطعني سنتين لأني كنت خدت قراري في الرقص الشرقي”.

– “ماما كانت واثقة فيا وكانت عارفة أنا همشي إزاي، وبابا كان مرعوب عليا”.

– “بابا مكنش متصوّر إني هكمّل دراستي بسبب الرقص، وأنا كنت عايزة أحط الرقص الشرقي في مكانة محترمة”.

– “الناس أعطتني لقب “الراقصة الجامعية”، وعملت دراسات عليا حتى أثبت للمجتمع إن الراقصة مش سيئة”.

– “كل ما حدث في حياتي لم يترك بداخلي أي أثر، وعذرت كل شخص في اللي عملو معاي”.

– “تعرضت للخيانة مرات كتيرة وعملت نفسي مش عارفة، لا أحب الطلاق بسبب الخيانة ولا أحب أن أواجه الرجل بأنه خائن، وأنا أقوى من ذلك”.

– “لو عايزة أتطلّق هعرف أتطلّق، ولو عايزة العلاقة دي تنتهي هعرف أخلّي الراجل هو اللي يقولي أنا همشي، وأنا أوافق، ليه تكسري نفسك قدّام حد وتباني ضعيفة؟”.

– “كان المفروض أعمل فيلم مع أحمد زكي ومحمد خان وجابوا مكاني نهلة سلامة، ودي من الحاجات اللي وجّعتني وقعدت ثلاثة أيام أعيّط، أنا في طلاقي بزعل يومين، ودي وجّعتني أكتر لأنه كان حلمي”.