Bitajarod – Online Magazine Bitajarod – Online Magazine
متابعة بتجــرد: كذّب الفنان سعد الصغير، كل ما جاء في تصريحات المطربة بوسي، بشأن طليقها مصفف الشعر هشام ربيع، مؤكدًا أنها تزوجته لحل مشكلة الشيكات التي كانت بينها وبين طليقها الراحل وليد فطين.
وقال سعد: “بوسي بتقول إنها بعد حلقتها كانت بتتعشى مع هشام ربيع.. أقسم بالله ما حصل هشام كان بيعمل عمرة واللي قالتلي المطربة أمينة لأنهم كانوا طالعين جروب مع بعض.. ده يرضي ربنا تخربي بيت الراجل”.
وتابع: “طالعة تقول هشام ربيع الشهرة أكلته.. ده اللي كان بيحلق عنده كان بيمشي أسبوع يقول أنا كنت عند هشام ربيع.. أنا كنت بحلق عندهم ببلاش، كل الفنانين مش بتدفع فلوس عنده، ده ملياردير وعنده نجوم مصر من قبل ما يعرفها حرام تخربي بيته”.
وأضاف المغني المصري أن بوسي اعترفت بحبها لطليقها بعد الانفصال، حتى لا يطلب منها الأموال التي دفعها لها ليسدد الشيكات وينهي أزمتها مع طليقها الراحل، قائلًا: “أنتي ليه قولتيله بتحبيه علشان دفعلك 24 مليون علشان الشيكات اللي عليكي.. وطالب فلوسه عايزهم علشان كده مرحتيش ليه الحبس ولما طلع هربتي منه علشان عايز فلوسه.. هربت منه وطالعة تقولي بحبك أونطة علشان ميطلبش الفلوس بتاعته”.
كما وجه سعد، رسالة لزوجة طليق بوسي، قائلًا: “أنا بقول لمرات هشام ربيع إنت حد محترم جدًا وبوسي دي ثعبانة.. هي لعبت على هشام ومتزعليش إنه عمل فرح لأنه مكنش في وعيه.. وهي كانت متجوزاه علشان يخلص لها مشكلتها.. هشام كان بيبعت لأبو بوسي فلوس من وراها”.
