“تبحث عن الترند”.. وكيل “الموسيقيين” ينتقد روبي بعد أغنية “3 ساعات”

متابعة بتجــرد: كشف الفنان حلمي عبد الباقي، وكيل أول نقابة المهن الموسيقية عن رأيه في كلمات أغاني المهرجانات الشعبية، كما تحدث في تصريحات إعلامية عن أغنية روبي التي تحمل اسم “3 ساعات متواصلة”، والتي أثارت جدلاً واسعاً خلال الفترة الماضية.

وقال حلمي: “الموضوع قل عن البدايات في المهرجانات، والنقابة عملت تهذيب للقصة دي وجبنا الناس وقولنالهم أنتوا بتمثّلوا الفن المصري، ولما بتخرج برا مصر بتمثل مصر؛ لأن الكلمة بشكل عام لما بتدخل بيتي بتئذيني وبتئذي مشاعر مراتي وأولادي”. وأضاف: “بدايات الأولاد دول بجد كانت وحشة جداً والألفاظ مباحة جداً ومفيش رقابة، ووجود السوشيال ميديا أعطى فرصة لأي حد يقول اللي عايزه، وإحنا في جيل التسعينيات كنا بنحافظ على مشاعر الناس وعقليتهم، وكان فيه رقابة على الكلمات وبعدين بنسجّل وبنبعته تاني بعد ما غنينا، وفي وجود السوشيال ميديا مبقاش فيه رقابة والمفروض كل إنسان عنده رقيب”.

وعن أغنية “3 ساعات متواصلة” لروبي، قال عبد الباقي: “كلام روبي مش عادي بصرف النظر عن إني عضو مجلس نقابة، وإحنا كده بنتحايل على الأغنية لما نشوف الكلمات اللي بعدها، وأي حد عايز يبقى تريند هيبقى في منطقة الجدل، ومن وجهة نظري الشخصية ده بيحصل قصد إن دلوقتي معروف ومعلوم وأي حد في منطقة الجدل تاني يوم بيبقى تريند”. وتابع: “إحنا خرجنا عن المسار ولكن مش مطلوب إننا نطلع نغنّي تراث والمفروض نغنّي تطور المزيكا والكلمة ومش مطلوب مني أجرّح في حد ولا مطلوب من أي مطرب أو مطربة تطلع تغنّي تراث ولكن تحترم عقلية المشاهد أو المستمع، وكل شيء اتغير مش الفن بس وكل حاجات زمان مبقتش موجودة دلوقتي، وده يرجع لانتشار السوشيال ميديا بشكل فظيع”.