Bitajarod – Online Magazine Bitajarod – Online Magazine
متابعة بتجــرد: يستمر النجم المصري تامر حسني في توجيه رسائل تحفيزية لجمهوره من خلال صفحاته على مواقع التواصل الإجتماعي.
ونشر تامر حسني في الساعات الماضية رسالة لمحبّيه يحثّهم من خلالها على التخلص من الإحباط والسعي لتحقيق النجاح بثقة كبيرة في عدالة ربّ العالمين قائلًا: “ياريت كلامي توصلوه لكل حد مُحبط ويائس والله دي علامه لكل حد فيكم محتاجها انه ينشف ويتفائل بالخير،،، من كتر ما قرأت تعليقات منكم فيها حزن ويأس من محاولات كتير منجحتش في حياتكم احب اطمنكم بحاجه مهمه اوي،،، تقييم ربنا لينا غير تقييم الناس لينا يعني ((الناس بتقيمنا بإنجازاتنا)) بس ربنا ((بيقييمنا بسعينا)) ((النجاح لقطه بس سعيك مشوار كبير)) اتأكد ان سعيك مش هيروح هدر حتى لو سعيت غلط ومشيت سكك متوديش لحلمك، او حتى لسه تايه بين احلامك او حلمت واحبط وناس ظلمتك عادي”.
وأضاف: “كل اللي نجحوا والله والله مروا بكل ده بس انت كمل مجهود سعيك عشان له كرم كبير اوي عند ربنا وفي يوم من الايام ربنا هيجمعلك كرم كل مجهودك ويفتحلك بيه باب النجاح بشكل اكبر واهم من ما انت متخيل.. عشان مجهود سعيك،،، فإوعى تفتكر ان مجهودك راح، مفيش حاجه بتروح عند العادل، تعبك وسهرك ليالي وحرقة دمك وقلبك واصرارك ومحاولتك تاني وعاشر كلهم هيكونوا هما في حد ذاتهم سبب عظيم في كرمك ونجاحك في شيء نفسك فيه بس هييجي في وقته او شيء اجمل مش هتتخيله، بس لازم تستمر في سعي .. اسعى كتير عشان تنجح كتير”.
على صعيد آخر، يواصل تامر حسني تصوير مشاهد فيلمه السينمائي الجديد “تاج”، وهو من تأليفه، وإخراج سارة وفيق في ثاني تعاون يجمعهما بعد أن قدّما سويًا فيلم “مش أنا” في عام 2021؛ ولاقى الفيلم نجاحًا كبيرًا وقت عرضه في السينمات، كما حقق إيرادات عالية جدًا وقتها.
