إليكم نصائح كارمن سليمان عن الزواج

متابعة بتجــرد: حلّت الفنانة كارمن سليمان ضيفةً على برنامج AB talks، الذي يقدّمه الإعلامي أنس بوخش، على قناته الخاصة في “يوتيوب”، حيث تحدثت عن زواجها المبكر، مشيرة إلى أنها تزوجت في سن الـ22.

وقالت: “اتجوزت بدري وأنا عندي 22 سنة كنت طفلة شوية، وميزة الموضوع ده إن مفيش فرق كبير بيني وبين زين ابني”. وأضافت: “أرى إن الجواز لازم يكون في سن الـ 26 أو 27 سنة، والراجل ميتجوزش قبل سن الـ30، ولا أؤيد الزواج المبكر”.

وعن حياتها العملية في الغناء، أوضحت: “حصلت حاجات كتير صعبة، عشان متعودة من وأنا صغيرة كل حاجه تتعملي مش متعودة أعتمد على نفسي أوي فحصلي حاجات معرفتش أتصرف فيها، ومحتارة وخايفة لأن المجال صعب”.

وعن الطريقة التي كانت تعتمدها في إدارة عملها بمجال الغناء، وكيف اختلفت هذه الطريقة بعد زواجها من الملحن مصطفى جاد، قالت: “أنا كنت متعودة من وأنا صغيرة وبعد التحاقي ببرنامج آرب أيدول إن في حد ماسكلي شغلي دايما، وبيتفق مع الناس وبيعمل كل حاجة، والشخص ده كان بابا بعد بابا كان مصطفى جاد زوجي”.

وأضافت كارمن: “لكن في وقت جه مصطفى وقالي إحنا كبرنا خلاص والمفروض تنزلي الاستديوهات وتتابعي شغلك بنفسك، ونشوف مدير أعمال ليكي علشان أبدأ أشوف شغلي أنا كمان، وفعلا أنا قبلها ماكنتش بحضر الأغاني بتاعتي وهي بتتعمل في الاستديوهات، ومصطفى وقبلها بابا هما اللي كانوا بيتولوا كل ده، وأنا لما نزلت وشوفت الاستديوهات وحضرت صناعة الأغاني كان الموضوع غريب جدا بالنسبالي في منتهى الغرابة لأني أنا مش دارسة مزيكا ومش فاهمة وكله كان كده بالحب يعني، وكنت وقتها عملت شوط كبير، وكانت كل دي أغاني أنا مغنياها بس ومعرفش حاجة فيها غير إني غنيت”.