قرار “كود الفساتين” يعرض حسين فهمي للانتقاد.. وهذا ما قاله

قرار “كود الفساتين” يعرض حسين فهمي للانتقاد.. وهذا ما قاله

متابعة بتجــرد: واجه الفنان حسين فهمي، رئيس مهرجان القاهرة السينمائي الدولي، انتقادات من بعض الفنانات بعد وضعه ضوابط الدورة 44 من المهرجان، خصوصا القواعد والضوابط المتعلقة بأزياء الفنانات.

وردّ رئيس مهرجان القاهرة السينمائي الدولي على تلك الانتقادات قائلاً: “كل الناس تحمست وسعيدة جدًا بالضوابط اللي حطيناها، وأنا هدفي إن لازم يبقى شكلنا جيد ولبسنا محترم، لأننا ناس محترمة فلازم نقدم هذا الاحترام للعالم، وفي dress code في العالم كله لازم يطبق على الناس ومش شايف دي حاجة تزعل لما أقول عايز شكلنا يبقى حلو، ومش بقول ما نلبسش كويس لكن نلبس شيك إحنا مش في ديفيليه (عرض أزياء)”.

وكانت الفنانة رانيا يوسف قد علقت على تلك الضوابط بقولها إنها ستخترع بدلة جديدة تحمل اسمها وستكون مفاجأة لجميع الحاضرين في الدورة المقبلة من المهرجان.

ويشار إلى أن النجم المصري وضع شروطا مسبقة للفنانات اللواتي سيحضرن مهرجان القاهرة السينمائي في دورته المقبلة.

وقال خلال مقطع فيديو نشره عبر حسابه على “إنستغرام”: “إحنا مهرجان دولي درجة أولى، ولما جيت المهرجان لقيت إن كل واحد يلبس اللي هو عاوزه، وموضوع اللبس تطور فوق ما كنت أتوقع ومهرجان القاهرة بقى عبارة عن وريني يا حبيبتي الفستان طب لفي كده، اسمه إيه الكوافير، ومش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقى شيك وهيبان إنه مهرجان قيم جداً”.

إلى الأعلى