Bitajarod – Online Magazine Bitajarod – Online Magazine
متابعة بتجــرد: ررت الفنانة المصرية بوسي غيابها عن مراسم تشييع جثمان والدها وعدم نعيه رسمياً، بوجود بعض أفراد العائلة الذين يريدون إحراجها وأخفوا عنها خبر وفاة والدها لمدة يومين، كما تحدثت للمرة الأولى عن حقيقة انفصالها عن زوجها بعد عودته لزوجته الأولى وأم أولاده.
وقالت بوسي في مداخلة هاتفية لبرنامج “90 دقيقة” من تقديم الإعلامية بسمة وهبة عبر فضائية “المحور”، مساء أمس الثلاثاء أنها تلقت خبر وفاة والدها بعد يومين من الوفاة، وأضافت:” في ناس قاصدة تطلع شكلي وحش وإني محضرتش الجنازة، والله ما أعرف إلا بعدها بيومين، لو هعرف إن أبويا مات مش هنزل؟!.
وواصلت قائلةً: “ربنا يعلم عملت إيه مع خالي بعد ما مات وأثناء دفنه، مش هعمل ده مع أبويا؟ حتى لو كان آذاني في حياتي هو أبويا، ربنا المطلع ويحاسب، مفيش بني آدم بيحاسب بني آدم”.
وكشفت بوسى كواليس انطلاق شائعات طلاقها مؤخراً قائلة: “اتفقت مع زوجى على أن يرد طليقته لأنى عارفة قيمة الضنا، وأولاده أصحاب ابنى، ولما اتجوزنا كان منفصلاً عن مراته من فترة، وعمرى ما هتجوز راجل وعلى ذمته واحدة تانية”.
وأضافت بوسى: “الناس بتشتمني وبتغلط فيّ من غير ما تعرف عني حاجة أو تتحرى عني، ولا أفهم سر انشغال السوشيال ميديا بحياتى الشخصية”.
وواصلت: “الناس إيه اللي عرفها إن في مشاكل، أنا متطلقتش وحياتنا مستمرة وممسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني”.
قال هشام ربيع مصفف الشعر وزوج المطربة بوسى:” إن ما تروجه السوشيال ميديا بشأن تدهور العلاقات بينهما أمر مغلوط تماماً، موضحاً: “الموضوع مأفور بشكل غير عادى فى السوشيال ميديا وبوسى تنهار بسبب حديث السوشيال ميديا أنها كانت تعوق والدها”.
وأضاف ربيع: “صالحتها ووالدها على بعض، وقلت لها عاوزين نتصور مع بعض وننزل الصورة عشان الناس فاهمة إنك عاقة، لكن هي قالت أنا ميهمنيش الناس، أنا بعامل ربنا”.
وتابع:” رجعت لأم أولادى وولادنا مع بعض فى كل حتة، ورصيدها زاد عندى لما وافقت أرجع لأم الأولاد”.
