نجمة “آراب أيدول” تعلن إصابتها بالكورونا وتكشف تفاصيل حالتها

متابعة بتجـــــــــرد: صدمت نجمة آراب أيدول إيناس عز الدين متابعيها وأصدقاءها من خلال إعلانها عن إصابتها بفيروس كورونا المستجد، من خلال رسالة طويلة كتبتها عبر حسابها على فيسبوك، وقالت فيها :” الحمد لله حتى الآن أنا حالتي مستقرة إلى حد ما و في حجر منزلي لوحدي ومش بختلط بأي شخص وبلتزم بالاجراءات الوقائية المُتبعة و كل ده طبعاً بالمتابعة مع وزارة الصحة إلا إذا الحالة ساءت ساعتها بيحصل عزل طبي في أحد مستشفيات الحجر الصحي وده الإجراء المتبع من قبل وزارة الصحة معايا ومع ناس كتير وده بروتوكول مُتبع في العالم كله مش في مصر بس إن الحالات السيئة بس هي اللي بتدخل عزل صحي في مستشفيات ومافيش حاجة اسمها لو مريضة أنزل أي مستشفى عادية جنب بيتي” .

وأضافت :” نزولي المستشفى وأنا مصابة معناها اني هعدي كل شخص في طريقي ومافيش مستشفى مجهزة انها تستقبل حالات إلا المستشفيات المخصصة من قبل وزارة الصحة ودي الوزارة اللي بتحول عليها الحالات اللي محتاجة انها تتعزل في مستشفى والفايرس ليه درجات فيه درجات بتتابع من البيت مع وزارة الصحة وبيتعملها حجر صحي منزلي وفيه حالات بتتدهور فبيدخلوها العزل الصحي بالمستشفيات”

وأكملت :”وده نظام متبع في العالم كله وأنا حالتي تستدعي الحجر المنزلي حتى الآن الحمد لله”

وتابعت قائلة :” الأعراض معايا كحة جافة جداً نشفان ريق ألم شديد في الحلق مع صعوبة في البلع والم بحرقان شديد في منطقة الصدر كأن طوبة على الصدر وهن و ضعف شديد وألم في الجسم مع صداع و دوخة بسبب عدم وصول الاوكسجين بشكل كافي بسبب صعوبة التنفس مافيش حرارة حرارتي مش بتاخطى ٣٧ ونص و ده لان الجسم لسه ما وصلش للمرحلة اللي يتهاجم بشدة من الفيروس فتبدأ الحرارة ترتفع علشان تهاجم الفيروس”

واصلت :” مافيش أي داعي للذعر ولا نشر الهلع بين الناس ابداً ولا فيديوهات صريخ و صويت ولطم كل ده بيخوف ويرعب الناس وبيخلي فيه طاقة سلبية تخلي ناس كتير من الخوف تتوهم المرض و تخلي المناعة تضعف لأن العامل النفسي بيرفع المناعة”.

واختتمت :”وزي ما قولت في الفيديو توخوا الحذر واعملوا اللي عليكم ولكن دون فزع او نشر هلع بين الناس لان الناس فعلاً مش متحملة انشروا طاقة ايجابية وكلموا الناس عن كام حالة اتحولز من ايجابي لسلبي وكان حالة خفت وخرجت من المستشفى وكام حالة عملت حجر منزلي وحالتها كانت بسيطة و اتحسنت وهي في بيتها.. انشروا الطاقة الايجابية ارجوكم الناس محتاجينها تعديل مافيش نهائي اعراض زي العطس او الرشح معايا”.

وبعد ساعات قليلة من هذا الإعلان الصادم عن إصابتها بكورونا، كشفت عن نقلها إلى أحد المستشفيات لتدهور حالتها الصحية، وكتبت :” أنا في عربية الإسعاف و طالعة على حميات إمبابة علشان الناس اللي فاكرين المرض فيه دعاية و استهزاء أو هزار ومع ذلك مش بتمنى إنهم يدوقوه علشان يتعلموا يحترموه علشان اللي بيعمل كده بيتهيأله كل الناس بتعمل زيه.