نجل محمود البزاوي يهاجم أمير كرارة.. تعرف إلى السبب – بالصورة

متابعة بتجــــــــــــرد: هاجم أكرم البزاوي، نجل الفنان المصري محمود البزاوي، فريق عمل فيلم “كازابلانكا” للنجم أمير كرارة، بسبب عدم تواجد والده على الأفيش الدعائي الخاص بالفيلم والذي طرحته الشركة المنتجة في الساعات الماضية.

وكتب أكرم عبر حسابه على موقع فيسبوك: “مبدئيا ابويا ماعندوش اي فكره عن البوست ده انا ابويا طيب و يمكن طيبته دي هي اللي كانت سبب في تأخير نجاحه وانه كتب من الباطن كتير مثلا زي ما قولت قبل كده وكان دايما بيعمل حاجات وتنجح ومفيش حد يعرف أنه له دور في نجاح العمل ده بس اللي كان بيصبره ان ربنا هيعوض”.

وأضاف: “بعد ما قدر يوصل بدراعه للي هو فيه لسه في ناس مش مقتنعه بي .. بس ده حقهم لان مفيش حد عليه إجماع بس طالما مش مقتنع بحد يبقى ما تحرجوش و ابعد عنه احسن لانه في نظرك مش الشخص اللي يفيد”.

وتابع: “في رأيي الشخصي ناس كتير بتعرف تتصور بس مش الكل بيعرف يمثل .. واسف لو كنت منحاز اوي في كلامي لابويا بس زي ما قولت ده ابويا اللي نجاحه بيسعدني اكتر ما بيسعدني نجاحي”.

واختتم بملحوظة: “ابويا قالي انه عامل دور مهم في الفيلم ده .. و يمكن بيكدب عليا و طالع كومبارس .. ساعتها ها تأسف على البوست”.

تجدر الإشارة إلى أن فيلم “كازابلانكا” هو من تأليف هشام هلال، إخراج بيتر ميمي، وإنتاج وليد منصور، ويشارك فى بطولته إلى جانب أمير كرارة، كل من من غادة عادل، باسل خياط، عمرو عبد الجليل، جيهان خليل، أحمد داش والمغربي محمد مفتاح.