أخبار عاجلة
محمد هنيدي يدافع عن محمد صلاح.. “ماتولدش في بقه معلقة دهب”

محمد هنيدي يدافع عن محمد صلاح.. “ماتولدش في بقه معلقة دهب”

متابعة بتجــرد: تصدى النجم محمد هنيدي لحملة شماتة في نجم كرة القدم المصري محمد صلاح، اندلعت بعد لحظات من خسارة فريقه ليفربول بطولة دوري أبطال أوروبا أمام فريق ريال مدريد، وأكد هنيدي أن صلاح مثلنا جميعا “لم يولد وفي فمه ملعقة من ذهب”، وشق طريقه نحو القمة بصعوبة وكفاح، ويستحق من الجميع الدعم وليس السخرية.

وكتب هنيدي عبر كل منصاته بمواقع التواصل الاجتماعي قائلا: “عارف لما بتبقى بتلعب بلاعب فى البلاي ستشين وفجأة تلاقيك بتنافسه أو اللاعب بعد ما اعتزل بيحلل أداءك في التلفزيون وبيوصفك بالأفضل في منطقتك في العالم”.

أضاف هنيدي: “عشان كدة بقى عايز أقول حاجة، بقالي فترة بشوف بعض الشباب اللي بيحاول يسخر أو يقلل من صلاح، يمكن يكونوا مابيحبوش صلاح أو بيشجعوا فرق منافسة، من حقك ماتحبش صلاح وحقك تحب فريق منافس وتشجعه، بس الفكرة ليه تقلل أو تكره واحد قدر يعمل اللي ملايين كانوا بيشوفوه مستحيل”.

وتابع هنيدي: “صلاح اللي كان بيسافر بالقطار كل يوم وينام في النادي على الأرض وبدون واسطة قدر يصنع نفسه من الصفر، لغاية لما وصل أنه بقى ينافس على الأفضل فى العالم”.

وواصل هنيدي قائلا: “صلاح زينا وشبهنا، ماتولدش في بقه معلقة دهب، وقدر يكون مثال لأي واحد بيتعب وشايف أن حلمه وهدفه مستحيل يتحقق”.

وأضاف هنيدي: “صلاح مثال لأي شخص مجتهد وبيمر بظروف صعبة وحياة صعبة، مثال إنك تقدر مش بس تكون الأفضل في بلدك تكون الأفضل في العالم، الفكرة مش في الشخص الفكرة في الفكرة نفسها، أن يكون عندنا شخص وأشخاص طبعا في مجالات كتير تانية زيه، قدروا يحققوا اللي انت واحنا كنا شايفينه مستحيل، فالحب والتقدير لصلاح مش حب لشخص، حب لفكرة ونجاح، وهاردلك لصلاح”.

وكان فريق ريال مدريد توج بدوري أبطال أوروبا للمرة 14 في تاريخه، بعد الفوز على ليفربول بهدف دون رد، مساء السبت، في استاد دو فرانس في العاصمة الفرنسية باريس.

إلى الأعلى