Bitajarod – Online Magazine Bitajarod – Online Magazine
متابعة بتجــــــــــــــــــــــــــــــــرد: بعد انتشار مقطع فيديو الموسيقار ملحم بركات وهو يتوجه بكمّ من الشتائم إلى السياسيين اللبنانيين لرفضهم انتخاب العماد ميشال عون رئيساً للجمهورية اللبنانية خلال حفله في بعبدا، فجّر بركات مفاجأة جديدة.
في التفاصيل، أعلن الموسيقار ملحم بركات أنه لم يعلم بانتشار الفيديو قائلاً: “ما عنديش علم… أنا ما معي تلفون جديد بل تلفوني قديم”. وأوضح في حديث لجريدة الراي الكويتية: “أنا ما ذكرت ميشال عون، قلت لهم انتِخبوا رئيس وكانوا مفكّرين أني مع ميشال عون بس يا خيي أنا مش مع حدا”.
وتابع بركات: “قلت لهم حينها انتخِبوا رئيساً للجمهورية لنخلص. وعيب عليهم، لم آتِ على ذكر ميشال عون. كان النائب عون وعصام أبو جمرة حاضريْن في ذلك الحفل «بس أنا ما جبتش سيرة ميشال عون نهائياً». و«هلّق طالع بالكليب عم دافع عن ميشال عون؟. أنا ما جبت سيرة عون نهائياً وما قلت انه بدي ميشال عون رئيساً للجمهورية، قلت يا ولاد الشر… انقبروا انتخبوا رئيس وهيدا اللي قلته”.
وبالإجابة على سؤال “هل تريد أن يتم انتخاب عون رئيساً؟”، قال ملحم بركات: “ما فارقة معي يا تقبرني. أنا ما شفت الفيديو ونسيت شو حكيت. وبعدين شو فارقة معي؟ أنا لبناني وأهتمّ لعائلتي وأولادي وللناس مش للزعران اللي سارقين البلد… خلص، شو بدي افتح بهل الموضوع. ما بقى عندي شي قولو”.
