شقيقة دينا هارون عن الممثلتين السوريتين: “عيب… والله عيب!”

متابعة بتجــــــــــــــــرد: توجّهت الممثلة السورية تولاي هارون، شقيقة الممثلة السورية الراحلة دينا هارون، برسالة شكر إلى جميع الذين وقفوا بجانبها في محنة فقدانها شقيقتها أخيراً.

وكتبت عبر صفحتها الشخصية على “فايسبوك”: “شكراً من القلب لكل شخص وقف معنا، والله يرحم اختي دينا. رح تضل روحها عايشة بيناتنا. وبدي أشكر مشفى الأسد الجامعي بكل كوادره من الإدارة للأطباء للممرضات اللي ماقصروا. شكراً من القلب”.

واللافت أنها تطرقت أيضاً إلى الانتقادات التي تعرّضت لها الممثلة سلاف فواخرجي بسبب نشرها صوراً خاصة بها بالتزامن مع عزاء شقيقتها.

وعلّقت: “وحابة قول لكل الزملاء والزميلات ما قصرتوا أبداً بوقفتكن معنا، وبدي منكن طلب. دينا الله يرحمها كانت تحب الفرح وكانت تزرع الفرح وين ماكانت. إذا بتحبوها خليكن سعيدين ومبسوطين. الدنيا قصيرة وهلق عم شوف اليوتيوب مستلمين زميلتين إلنا: سلاف فواخرجي وسلافة معمار”.

وأضافت: “حابة وضّح وقول إنو الاتنين ما تركوني، والله يقدرني ردلكن ياها بالأفراح. واللي عم ينكتب عنهن بطريقة سلبية بقلهن عيب اللي عم ينكتب، والله عيب. بقلكن أنا على الأقل بعرف كيف كنتوا واقفين معي وما تركتوني”.

وتابعت: “حابة قول لكل شخص وقف معنا شكراً من القلب، وانتو بتعرفو حالكن واحد واحد، وأنا بعرفكن منيح وبعرف شو عملتو معي. لا تهتموا شو بينكتب عنكن. عيشوا حياتكن بفرح لأنو دينا رح تكون سعيدة بقبرها إذا كنتوا مبسوطين، بحبكن وشكراً”.

وجاء ذلك على خلفية تعرض فواخرجي للانتقاد بسبب نشرها صورة لها أثناء زيارتها أحد المعارض الفنية بالتزامن مع إقامة مراسم العزاء الخاصة بدينا هارون.